Excelente xornada co alumnado da optativa de Sustentabilidade e Paisaxe de 1º de ESO percorrendo o bosque de Ridimoas. Carballos, xestas, salpíntegas, anduriñas foron hoxe os seus mestres para aprender a construir un mundo mellor. Grazas tamén ao noso guía por amosarnos estes tesouros e compartir con nós este dia.

toda a semana irán outros grupos de ESO.

O mércores 26 de maio foi 1º ESO B. Enlace ao álbum de fotos

3º de ESO subiron ao Monte Cumial. Enlace ao álbum de fotos

O prazo para solicitar a participación no Fondo Solidario de libros de texto e Axudas para material escolar estará aberto ATA O 22 DE XUÑO DE 2021.

Non acuda ao centro a buscar a solicitude. Utilice os enlaces que aquí se amosan. 

Se vai presentar a documentación persoalmente no propio centro, acuda ao mesmo só cando teña cuberta toda a documentación solicitada (ANEXOS debidamente cubertos, fotocopias requeridas, e calquera outra documentación). O centro non fai fotocopias.

Recórdase que é requisito ter devolto e en bo estado os libros de texto recibidos do fondo solidario no curso 2020/21.

MODOS DE PRESENTACIÓN DE SOLICITUDES

1. Se dispón de DNI electrónico, certificado dixital ou CHAVE365 (recomendable), pode tramitar a súa solicitude en liña desde este enlace   
2. Se non dispón de ningún medio electrónico para a tramitación da solicitude online, pode facelo de maneira presencial no propio instituto. Neste caso imprimirán a solicitude e o anexo II e presentaranos no centro debidamente asinados, xunto coa documentación necesaria. Para a comprobación dos datos presentados, é imprescindible a documentación orixinal (libro de familia, DNI), xa que o centro deberá comprobar e completar os datos da solicitude e a documentación presentada. Descargue desde aquí o formulario de solicitude. É un arquivo en formato PDF no que se pode escribir.
3. Tamén pode presentar a súa solicitude nas oficinas de rexistro da Xunta.

Recoméndase cubrir a solicitude mediante a aplicación FONDOLIBROS (www.edu.xunta.es/fondolibros) podendo despois imprimila para entregala xunto coa documentación correspondente, na Secretaría do centro, ou ben presentala por vía telemática na Sede Electrónica da Xunta.

MATRÍCULA DA ABAU

O proceso de matrícula nas probas ABAU na convocatoria ordinaria de xuño de 2021 para o alumnado de 2º de Bacharelato que supere o curso na avaliación ordinaria realizarase entre os días 19 e 21 de Maio.

• O mércores 19 de maio ás 12 horas o alumnado que desexe presentarse ás ABAU debe acudir ao salón de actos para recibir instruccións e informarse de como ten que realizar o proceso de matrícula. Nese momento se lles entregarán os impresos que necesitan.
• Do 19 (ás 12:30 horas) ata o 21 (ás 14:00) de maio: cumprimentación de impresos, abono de taxas e entrega da documentación na Secretaría.

No seguinte documento ofrécese información detallada do proceso para realizar á matrícula:  Instrucións matrícula probas ABAU

Engádense tamén as instrucións para a presentación e a realización das probas. Todo o alumnado implicado debe ler con atención as instrucións: 

• Instrucións alumnado para a matrícula e realización das probas.
• Calendario completo das ABAU
• Toda a información

Coma tódolos anos por estas datas, o alumnado de segundo de artes realiza unha interesante exposición fotográfica. Trátase de fotografía en branco e negro sobre tema libre, e pódese visitar estes ao longo do corredor inferior.

Unha iniciativa que seguramente animará ao alumnado a seguir formándose na fotografía.

¡Desfrutade da exposición!

Pouco a pouco o centro escolar volve á súa normalidade.

Logo deste curso escolar tan difícil temos que felicitarnos porque non se chegou a producir ningún contaxio dentro do IES. Neste mes de maio comezamos pouco a pouco a recuperar o ritmo das actividades extraescolares.

ACTIVIDADES DO MES DE MAIO

• Xoves 20, Visita guiada “Coñece o teu entorno". Andaina dende o IES ata o Cumial. Para 3º da ESO. Organizada polo departamento de Matemáticas.
• Venres 21, “Olimpíadas de historia", participarán 4 alumnos de 4º de ESO.
• Semana do 24 ao 28 de maio, Visita ao bosque ecolóxico de Ridimoas en Beade. 1º de ESO (cada día un curso diferente). Organizado polos departamentos de Xeografía e Historia e Filosofía

Logo da análise dos resultasdos das enquisas de preferencias de matrícula, na que participou todo o alumnado de ESO e Bacharelato do centro, o Claustro de profesorado aprobou o pasado mes de abril os itinerarios e materias que se van ofertar para o curso que ven.

Para confeccionalos tívose en conta as peticións das familias e os recursos de que dispón o centro.

Hai que ter en conta que a oferta definitiva está condicionada a que exista un número mínimo de alumnos/as matriculados en cada caso.

Podedes visionalos no menú da dereita.

O equipo de 1º de ESO B ven de gañar o Rally matemático sen fronteiras 2021, co 2º Colexio Plurilingüe Abrente de Sanxenxo como segundo clasificado e o IES Nº 1 do Carballiño en terceiro lugar.

Parabéns a todo o profesorado do Departamento de matemáticas implicado neste proxecto, e especialmente á nosa profesora Lucía Seoane Gómez como impulsora desta aventura matemática, e como non, ao alumnado participante. Estamos moi orgullosos de todos eles.

Haberá unha entrega de premios a finais de maio e a Ruta científica-matemática no Camiño de Santiago en xuño, na que participarán os primeiros equipos de cada categoría.

Enlace á noticia

A esposición Ilustrísimas segue dando que falar. Esta vez deron a coñecer as vidas das mulleres ilustres da historia nun contorno tan fermoso como é o noso xardín.

Un traballo conxunto das materias de "Ética e Filosofía do Dereito" e "Técnicas de Expresión Gráfico-Plástica", con Mila Alonso como impulsora do proxecto.

Cada alumno/a participante escolleu unha muller e a converteu en protagonista dunha obra de arte.

Paravéns por esta iniciaciva e por colaborar en visibilizar entre o noso alumnado a tantas mulleres pouco valoradas ao longo da historia.

• Nova no xornal a Rexión
• Nova na Voz de Galicia

Varios equipos da Universidade Laboral participaron no rally científico matemático 2021

• En 1° de ESO participaron 4 equipos
• En 2° de ESO participaron 3 equipos
• E en 3° e 4º de ESO 1 en cada nivel

O total foron 8 equipos que participaron a tarde do 15 de abril nunha xornada que resultou emocionante.

Cada equipo estaba formado por 8 alumnos/as, e cada grupo tivo que resolver cinco problemas nunha hora.

Foi a primeira vez que o noso centro participou nesta competición, polo que lles desexamos moita sorte

Xa formamos parte do GLOBO!!

O Globo é un observatorio para educar na cidadanía Global. Iniciativa da ONGD SOLIDARIEDADE INTERNACIONAL GALICIA. Esta ferramenta impulsa microexperiencias de transformación social e espazos de intercambio para compartilas e trasladalaas á sociedade. Iremos informando das actividades que se vaian realizando ao abeiro desta iniciativa tan interesante