A Universidade laboral a través do seu departamento de Educación Física (EF),  en colaboración coa “CRUZ ROJA”, estamos organizando por vez primeira a “Iª ANDAINA SOLIDARIA DO IES UNIVESIDADE LABORAL”. Terá lugar o día 20 de decembro, coincidindo co “Día Internacional da Solidariedade” e co último día de clase antes do período festivo do nadal. Esta actividade vai dirixida a todo o alumnado do Centro, incluíndo ESO, BACHARELATO, FP BÁSICA E FP.

A participación en dita actividade é VOLUNTARIA, e a INSCRIPCIÓN vai ter un prezo de 2 EUROS para o alumnado, e de 5 Euros para profesorado e persoal non docente. Todo o recadado irá destinado  INTEGRAMENTE á CRUZ ROJA. Organización que destinará eses cartos á súa campaña de nadal 2019/2020:  “Recollida de Xoguetes para que todos os nenos e nenas poidan ter este nadal un xoguete novo, non bélico e non sexista”, neste enlace podedes ver máis información da súa campaña: www.susderechosenjuego.com

A andaina terá un percorrido de 4 km sen saír do recinto da Universidade Laboral. Levarase a cabo a partir das 9:30 da maña. O alumnado que non participe quedará nas aulas co profesorado de garda.  
A inscrición e aboamento dos 2 euros na Andaina farase no polideportivo do centro dende o martes 3 de decembro ata o martes 17 de decembro. Non se aceptará ningunha inscrición fora deses prazos. Coa inscrición entregarase un dorsal con dous imperdibles que deberán traer colocado e visible o día da actividade. Ao remate da andaina o dorsal será entregado á organización e daráselle ao alumnado unha froita e bebida en forma de avituallamento.

Recomendamos que o alumnado traia calcetíns e calzado de reposto porque parte do percorrido vai ser polo noso bosque. E para evitar xerar plásticos poden traer unha cantimplora que se lle encherá de auga o na carpa de avituallamento e na fonte do Polideportivo.
Por outra banda, aqueles que queiran axudar cunha participación maior, podédelo facer mediante transferencia bancaria na conta de Cruz Roja en Ourense: ES11 0049 5230 9924 1717 1515 Pondo como asunto “Doazón campaña de nadal, ULABORAL”

Agardamos unha participación numerosa e unha boa aceptación por parte de tódolos participantes. Axúdanos a que esta actividade permaneza e creza no centro como actividade propia deste e sobretodo a que máis nenos e nenas  este nadal poidan sorrir e xogar.