Baixo o título ILUSTRISIMAS queda recollida a obra do alumnado de segundo de bacharelato B, C e D realizado nas materias de "Técnicas de expresión gráfico plásticas" e "Ética e Filosofía do Dereito".
A exposición ten carácter interactivo xa que é o alumnado o que relata non só o que aprendeu investigando a grandes mulleres da historia, senón tamén o propio proceso creativo das súas obras. Pintura, gravados, textos, diversos formatos que empregaron para aprender facendo.
Parabéns.
A partir do 19 de abril e ata final de mes ábrese o prazo de inscrición ás probas libres para a obtención de títulos LOE (a extinguir) de FP.
- As persoas que se inscriben deben utilizar o anexo I da orde do 5 de abril de 2013 como modelo de inscrición para ás probas e o anexo II para a xustificación de actividades desenvolvidas na empresa.
- As solicitudes “por escrito” (sen código de solicitude) recibidas cargaranse, de forma manual, na aplicación “ciclosadmision” na pestana 5.1 “Alta de solicitudes ordinarias”.
O alumnado do 2° curso do ciclo de Mantemento de Instalacións Térmicas e de Fluídos visitaron esta semana o "Heat District" de Biomasa recién inaugurado no Concello de Silleda.
Na visita o alumnado puido acceder ás distintas partes da instalación como son as máquinas térmicas, todo o sistema de automatización, rede de tubería e instrumentación asi como visitar algunhas das dependencias ás que dito Heat District está dando serivizo: un pabillón polideportivo e unha piscina entre outros. A visita foi moi interesante dada a singularidade técnica da instalación e por suposto agradecemosa boa disposición do Concello de Silleda que puxo á disposición do noso alumnado o técnico proxectista da instalación, quen fixo diversas demostracións cos equipos e respostou todas as dúbidas do alumnado.
Diversas noticias nos medios de comunicación que fixeron unha reportaxe desta visita:
O alumnado de 1º curso de Bacharelato na materia de Filosofia presentou a exposición dos seus traballos: A COSMOLOXIA DE ARISTÓTELES. Diferentes maquetas, cartaces, trípticos, feitos con materiais diversos: teas, cartón, lá, botóns e ata con brilantes luces. Todo para comprender dende os seus inicios a importancia de ter unha visión do universo e do ser humano.
O alumnado de 1º de ESO da materia Sustentabilidade e Paisaxe está a elaborar comedeiros e guirnaldas de sementes para os paxaros do noso recinto. Xa foron revisadas as casiñas de aves que se instalaron o curso pasado, coidando sempre de non facelo en época de cría.
Esta vez fixeron as guirnaldas con pipocas e colocáronse nas ramas máis altas, con axuda dunha longa cana feita con bambú, claro està, tamén do noso bosque.
Temos 40 anónimos e ningún membro en liña
 |
|---|
|
|
 |
 |