O alumnado que titulou en calquera Ciclo Formativo e que desexe tramitar o título de Formación Profesional, debe abonar as taxas correnpondentes. O impreso pode recollelo en secretaría.
Adxuntamos modelo informativo no seguinte enlace
PROBAS DE ACCESO 2020/21
Inscrición: Do 18 ao 29 de xuño, ambos días incluídos.
Realización: A patir do 13 de xullo.
PROBAS PRESENCIAIS | Especialidade de Interpretación
Debido á situación sanitaria derivada da COVID-19, a ESAD de Galicia vai establecer un procedemento coas MÁXIMAS GARANTÍAS de SEGURIDADE, PREVENCIÓN e HIXIENE para o desenvolvemento das probas de acceso presenciais na especialidade de Interpretación, respectando todas as medidas recollidas na Resolución, de 22 de maio de 2020, da Consellería de Educación, Universidad e Formación Profesional pola que se reinicia a actividade lectiva presencial.
PROBAS TELEMÁTICAS | Especialidades de Dirección escénica e dramaturxia, e Escenografía
As probas de acceso nas especialidades de Dirección escénica e dramaturxia, e de Escenografía vanse realizar de forma telemática, mediante o servizo de videoconferencia Cisco Webex Meetings, facilitado pola Xunta de Galicia.
+INFO: www.esadgalicia.com
Informamos que o pasado venres 9 de xuño foi aprobada a resolución pola que se convocan as probas de acceso para as ensinanzas profesionais de Artes Plásticas e Deseño para o curso 2020/21. Dita resolución sairá publicada no Diario Oficial de Galicia o vindeiro 19 de xuño. De acordo co establecido nas dita resolución, as solicitudes para participar nas ditas probas poderanse presentar desde o día 22 de xuño ao 3 de xullo, para ciclos de grao superior, e desde o día 22 de xuño ao 4 de setembro para ciclos de grao medio.
A proba substitutiva do requisito de titulación de bacharelato para acceso ao ciclos de grao superior terán lugar o día 10 de xullo, e as probas específicas de acceso terán lugar o 20 de xullo; para o acceso a ciclos de grao medio, a proba substitutiva do título de ESO terá lugar o día 9 de setembro, e as probas específicas o día 15 de setembro. Todas as probas realizaranse nos centros correspondentes, de acordo cos calendarios establecidos na resolución
CONVOCATORIA
INFORMACIÓN NA WEB DA EASD ANTONIO FAÍLDE
Durante o estado de alarma o orientador do centro (Carlos Malvar) atende ao alumnado, pais e nais, especialmente para cuestións de orientación académica e profesional, no teléfono:
- 988788493 tódolos días en horario de 9:30 a 12:30 horas
O proceso de matrícula nas probas ABAU na convocatoria ordinaria de xullo de 2020 para o alumnado de 2º de Bacharelato que supere o curso na avaliación ordinaria de 2º de Bacharelato realizarase entre os días 9 e 17 de xuño.
- Do 9 ao 11 de xuño: descarga e cumprimentación de impresos e abono taxas.
-
Días 12 e 15 de xuño (ata as 13:00 h): entrega de documentación na Secretaría.
-
Día 17 de xuño: Comprobación de datos e recollida de impresos na Secretaría.
No seguinte documento ofrécese información detallada do proceso para realizar á matrícula: Instrucións matrícula probas ABAU
Engádense tamén as instrucións para a presentación e a realización das probas. Todo o alumnado implicado debe ler con atención as instrucións:
Instrucións alumnado para a realización das probas.
Con motivo do estado de alarma foi preciso modificar as programacións didácticas de tódalas materias e módulos de tódolos cursos e grupos do centro. Estas modificacións inclúen os novos criterios e procedementos de avaliación, así como os contidos mínimos para o último trimestre. Podedes consultalas no seguinte ENLACE
A devolución e recollida dos libros de texto de ESO do curso 2019-2020 poderá realizarse desde a entrega de cualificacións finais, e o 7 de xullo; agás para o alumnado que teña algunha materia pendente, que poderá quedar co libro correspondente ata que se examine. Nese caso a entrega será como máximo o 7 de setembro.
Finalizado o curso no mes de xuño, o centro organizará a recollida por quendas (cada día para un curso determinado) para evitar aglomeracións de persoas e poder así manter as distancias de seguridade.
Publicaranse as quendas nesta mesma web cara mediados de xuño
O luns 25 de maio retornouse a actividade lectiva presencial, con carácter voluntario para o alumnado de segundo curso de Bacharelato e para os segundos cursos de Formación Profesional de grao Superior e de grao Medio. Ese día realizouse un acto de presentación para transmitir ao alumnado as normas preventivas que se deberán seguir obrigatoriamente na súa presencia no centro.
O acceso é pola porta principal do IES, e é obrigatorio o uso de mascarillas mentres se permaneza dentro do edificio
Gardarase en todo momento a distancia de seguridade (non xuntarse en grupos nos arredores do IES antes da entrada)
Non hai servizo de transporte, de comedor, de cafetería nin de fotocopiadora
Recordar que durante este período a asistencia a clases é absolutamente voluntaria
Os horarios para os diferentes grupos pódense consultar premendo en "Ler Máis"
Máis artigos
- Aberto o Prazo de Solicitude Para Participar no Fondo Solidario de Libros de Texto e Axudas Para Material Escolar Curso 2020-21
- Proceso de Admisión: Anuncio do Proceso de Baremación - Prazo de Presentación de Documentación ata o 26 de Maio
- Admisión para o próximo curso
- Secretaría do IES
- Terceira avaliación
Temos 33 anónimos e ningún membro en liña
 |
|---|
|
|
 |
 |