Esta tarde, venres 9 de xuño é por fin a tan esperada graduación do alumnado de 2º de bacharelato.
Logo do sufrimento das ABAU para algúns, agora ven o merecido descanso. Outros teredes que esperar un chisquño máis a eses exames de finais de xuño e ás ABAU da extraordinaria, pero pouco queda xa.
A todos os que despedimos hoxe, desexámosvos boa viaxe nesta nova etapa da vosa vida que iniciades hoxe. E recordade que aquí deixades moita xente que vos aprecia.
Viaxe a Barcelona do club de lectura da Laboral.
O alumnado do Club de lectura de 3° e 4° ESO, realizaron unha viaxe cultural a Barcelona. No camiño tamén visitaron Zaragoza, e na propia cidade condal o Park Güell, o barrio Gótico, logo foron a Salou, Portaventura, á vila olímpica, á Sagrada Familia, e de regreso a Burgos.
Tiveron un encontro co escritor Guillen Sala moi interesante e cunha chea de reflexións.
Para rematar coas actividades do departamento de matemáticas para este curso, fíxose a entrega dos diplomas e dos premios correspondentes ao 2° Concurso de fotografía matemática.
Noraboa a todos e todas!!
Galería fotográfica
Hai uns dias o noso alumnado de 1º da ESO "Proxecto Aula da Natureza" alertounos do seguinte: hai paxaros que chocan contra as cristaleiras, e non sabemos como protexelos?
Deseguido pasaron á acción os da Aula da natureza, deseñaron plantillas, armáronse de pinturas adecuadas (non permanentes) e puxéronse en contacto con "Laura" especialista en recuperación da fauna silvestre.
Na foto podedes ver os seus primeiros pasos para que as aves non se equivoquen e sigan a súa vida. Estamos orgullosos do noso alumnado, sensibles, vixilantes e activos.
Bo traballo!
Vanse celebrar no noso centro as probas libres dos módulos profesionais correspondentes aos ciclos formativos que se imparten no noso IES.
A data de acollemento será o día 6 de xuño ás 18:30 horas no salón de actos do IES.
A non participación, sen xustificación, na xornada de acollemento ou en calquera das partes en que se organiza a proba de cada módulo profesional supón a baixa de oficio. O resto da información destas probas (calendario de exames, programación das materias, avisos, etc), poderase consultar en breve nesta páxina web.
O xoves 25 de Maio os alumnos de 1º de Bacharelato A e B fixeron unha saida á Ribeira Sacra. Acompañados dun guia, visitamos tres lugares emblematicos, os mosteiros de San Pedro de Rocas, Santa María de Montederramo e Santa Cristina de Ribas de Sil, e as súas contornas, disfrutando xuntos dunha fermosa xornada chea de cultura e natureza.
O 25 de Maio, Hugo e Rodrigo, representaron ao IES Universidade Laboral na fase autonómica da Olimpíada de matemáticas despois de clasificarse na fase de zona. Competiron con 38 mozos e mozas máis por unha das tres plazas para a fase nacional, pero non puido ser... sen embargo valoramos moito que dous rapaces da Laboral se clasificaran para representar á zona de Ourense na Olimpiada Galega.
Mentres eles resolvían problemas, os seus compañeiros aproveitaron para coñecer algo da cidade de Lugo. Diploma, algún agasallo e un gran recordo do ben que o pasaron, eles e os acompañantes que os foron animar...
O alumnado de 2º de ESO da optativa de Sustentabilidade e Paisaxe, logo do gran traballo realizado na horta escolar, tivo unha merecida viaxe educativa e visitaron as Fragas do Eume.
Camiñar pola natureza en primavera foi camiñar pola vida. Arbores, reptiles, anfibios, insectos e flores que nunca viramos. Todos os que fomos seguimos en contacto con aquelas árbores, e tamén con Mª José que de novo estivo con nòs nas "Clases de Bosque". Animádevos e sumerxídevos na Natureza!
Deixámosvos unha ampla reportaxe fotográfica.
O pasado 16 de maio o alumnado de FP Básica (1º A/B e 2º), 1º Carrocería e 1º Electromecánica (A/B) foron de excursión a provincia da Coruña. Visitaron as empresas Nasauto Detail, especialistas na estética integral do vehículo e TMSR Motorbike Service, especialistas en competición (rodadas, escola de pilotos...) e mantemento de motocicletas.
Agradecer os seus responsables, Juan e Luís, e os seus equipos a “master class” impartida os nosos alumnos.
Co fin de promocionar o ámbito da creación artística, os Departamentos de Música, Lingua Galega e Lingua Castelá convocan o presente concurso, que se regula por estas bases:
PRIMEIRA. Participantes e obxecto da convocatoria
Poderán participar compositores que o desexen de ESO e Bacharelato que sexan autores da música e da letra dunha canción inédita. A canción será asinada de modo individual ou a cargo dun dúo, sen prexuízo de que na súa gravación ou creación interveñan máis persoas como colaboradores instrumentistas,vocalistas, coristas etc. Os premios, por tanto, concédense a quen asina a canción (unha ou dúas persoas como máximo). O xurado pode requirir en privado aos asinantes nun momento dado a reprodución en directo da súa obra.
SEGUNDA. Obras e a súa presentación
Cada candidato ou candidatos presentará, no prazo sinalado máis abaixo, un máximo de dúas cancións orixinais e inéditas. Para iso, deberá enviarse un arquivo de audio coa canción, e un arquivo de texto en PDF coa letra ao seguinte correo electrónico Este enderezo de correo está a ser protexido dos robots de correo lixo. Precisa activar o JavaScript para velo. . O arquivo de audio deberá comezar co título da canción e este deberá coincidir co do arquivo de texto. A organización articulará o modo de valorar as cancións preservando o anonimato dos seus creadores e comprométese a borrar todos os audios e a non conservar ningunha copia deles unha vez concluído o concurso.
A principios do mes de maio, o alumnado de 3º, 4º de ESO e 1º de Bacharelato da optativa de Francés asistiu á obra de teatro en francés “Le tour du monde de Nelly Bly” (“A volta ó mundo de Nelly Bly”) no Auditorio de Ourense.
Ó tempo que se familiarizaban coa famosa obra de Julio Verne “A volta ó mundo en 80 días”, tamén descubrion a figura desta periodista e aventureira americana de finais do século XIX que, durante a súa propia viaxe, seguiu os pasos das persoaxes ficticias do célebre autor francés.
O Campionato Galego Escolar de Orientación a Pé celebrouse o pasado sábado 6 de maio no flamante circuito da Laboral.
As categorías que participaron foron infantíl, cadete e xuvenil, cun gran éxito dos equipos ourensáns.
Con este acto demos por inaugurado o circuíto e a partir de agora xa o iremos utilizando para diferentesa actividades.
Esperamos tamén fomentar ese deporte entre o noso alumnado e pouco a pouco ir sacando deportistas.
Na ESO:
No Bacharelato:
Temos 30 anónimos e ningún membro en liña
